sexta-feira, abril 08, 2005

Stória Stória sta ta djobedu ku kafuka

Livro de Celina PereiraExample
Manuela Pereira, tuga ku alma di kriola, sta ta djobi stórias tradisional di Kabu Verdi pa publika na sé blog Palavra Imagem. Sé objetivu é publika kontus tradisional di tudu ilha di nós tera, ma na internet sta difisil di atxa. Nton, nu ka podi dexa Manuela djobi ku kafuka pa nu ka da-l un forsinha. Kenha ki kré manda-l un ó más storia, inderesu é palavraimagem@yahoo.com. Pra já, dja é teni dos kontu publikadu: un partis di Djarfogo e otu é "Unine", un kontu tradisional di Santanton, publikadu pa Leão Lopes en forma di livru.

Universu oral di Kabu Verdi é rei di riku. Difikuldadi é teni tudu kes storias rakodjedu y publikadu. Alias, keli é tema di prugrama Konbersu Sabi di sugunda fera, na TCV: tradison oral y modernidadi. Konvidadus é Tomé Varela da Silva y José Maria Semedo, dós investigador kultural. Pa Manuela, é util djobi livru "Na boka noti", di Tomé Varela, reditadu ontordia pa Institutu di Biblioteka Nasional. Un obra ki ta riuni storias di várius ilha. Nhos ta lenbra di kel tenpu, na 1988, kantu lus ta bába senpri y TVEC pára di dá? Ami, mininu, ku nhas irmon y kolegas, nu ta paraba di noti ta obiba stórias di Rosa Manka, sobri prinseza, Nho Rai, Nho Lobo ku Xibinhu, Bokaju...

2 Comments:

Anonymous Anónimo fla ma...

Parabéns Matilde por este belíssimo blog.

3:55 da tarde  
Blogger Cantinho da Leitura fla ma...

Olá Matilde!
Fiquei surpresa por "ser notícia" em Lantuna! Obrigada aí pela força na recolha de estórias! :) Espero que com a vossa ajuda possa receber mais contos tradicionais para revitalizar e continuar essa tradição rica, que é a tradição oral em Cabo Verde, e divulgar esses contos pelo mundo cibernético. Mais uma vez agradeço-te imenso pelo apoio! :)

6:37 da tarde  

Enviar um comentário

<< Volta pa Lantuna

Desde 27/11/2004