O meu disco está pronto: na minha cabeça...

Fotu di Samori Pires
Kalu Sousa, di sé nomi artistiku Princezito, dja teni prontu sé primeru disku. Dja é grava? "Nau, minina. Disku ku 12 músika, tudu prontu, sta na nha kabesa", risposta di Princezito é sima el mé. Es musiku natural di Tarrafal sta ta trasa sé kaminhu a partir di fonti di tradison oral y musikal di Santiagu, sen dexa di ladu otus generu musikal di Kabu Verdi y tanbé ritmos di Kuba, pais undi ki é studa.

"Mi N obi txeu musika desdi pikinoti, musika di nos tera, dipós, na Kuba, N obi sés musika tanbé. Tudu kel vivensia li ta sai naturalmenti, oras ki N ta fazi nha musika". Herderu di Násia Gomi, Gida Mendi, Bibinha Kabral y Ntoni Denti Doro, Princezito é batukador di sékulu 21.

Lantuna ta fika ta spera és disku. Nu ta lenbra ma Princezito partisipa na disku "Ayan", djunto ku Djingo, Txeka y Vadu. El é autor di musika Lua, un di kes kantiga mas sabi ki dja fazedu nes tera - ki el é ta txoma di batuku-mornu.