Nós ku Nós

'Cabo Verde", de Kiki Lima
Konsuladu di Kabu Verdi na Boston ta prumovi kuartu konferensia "Common Threads", ki ta bai di 15 ti 17 di Abril, na Pawtucket. Tema dés inkontru di kabuverdianus na diáspora é "Rais y Unidadi: nós kaminhu pa futuru". Sta ta speradu 500 partisipanti, entri kriolus di Kabu Verdi, Merka y Europa pa bá dibati prublemas ki ta afeta nos komunidadi na States - deportason, bilinguismu, integrason y saudi. Ma distaki é edukason y kultura. Ministru di Kultura Manuel Veiga ta riprezenta Guvernu na kel eventu li y é debi papia na enseramentu di Konferensia, na dia 17, dumingo.

Common Threads, kriadu na 1999, é un fórun ki kré prumovi dialogu entri kabuverdianus, na ilha y diáspora, prumovi y prizerva kultura kriolu. Y nos kultura é pratu forti dês iventu. Pa inaugura és konferensia, ten un spetaklu di Djosinha y gardenia oji di noti, na Sculler's Jazz Club, de Boston. Dia 15, sesta fera, Bela Duarte ta mostra un spozison di tapesaria na Sentru Multi Kultural di Johnson & Wales, na Providence. Y dia 17, dumingo, ten anti streia di filmi “Some Kind of Funy Porto Rican”, di Claire Andrade-Watkins.

Com CaboVerdeonline