NHAKU...FRAKU

Midjor di Simana

Sabi ma na Kafé Mindelo sta ta kontisi un tertulia tudu més, ku nomi di Labirintos da Arte. Notisia é di A Semana. Na sés ultimu edison, es kumpanha inkontru entri publiku di Mindelu ku pueta João Vário. Un inisiativa pa poi obra y autor djuntu ku sé leitor. Nota 10. Nu sta mesti más tertulias, konsertus, dibati, cirkulus di leitura na és tera. Só lansa obra, é un parti di nos nesesidadi: bali tanbé diskutis, konfrontas ku otus sensibilidadi...


Pior di Simana

Sabi ma ten gentis ki ta pensa ma Germano Almeida publika primeru rumansi nasional kauverdianu! Un riporter brasileru publika na Diário de Nordeste, kandu kel skrior di Boavista partisipa na Fera di Livru di Ceará. Intrivista torna publikadu na rivista di TACV, Fragata. Na biografia ki reporter brasileru fazi di Germano, é fla ma "Testamento de Senhor Napomuceno" é "o primeiro romance nacional caboverdiano". Germano disminti y esplika ma primeru rumansi kauverdianu foi publikadu na anus 30 y dipós, txeu agu (ó tinta) korri dibaxu di ponti. Skritor fla ma, si kalhar, verdadi é ki kel livru é "primeiro romance urbano cabo-verdiano". Bu ta konkorda?