Palásiu pa Ildo

Palásiu di Kultura sta ta kompodu pa risebi nomi di Ildo Lobu. Sta pintadu paredi, dja mandadu konviti di Gabineti di Ministru di Kultura....tomara ki dja és kompu tanbé kel infiltrason ki sta na sala di sposison na primeru andar.

Dia 1, festa sta ben ser bedju: Seis y meia di tardi, búzius di Tabanka di Txada Grandi ta kumesa ku sirimónia. Dispos, familia di Ildo Lobo ta risebi di Guvernu un pasta ku tudu kumunikadu di kondolensia ki risebedu di mundu interu.

Sta ben músika ku batucaderas di Montiagarra, Djodje, Pentagrama, Lela Violão y grupo Petural. Na Miradoudo di Palásiu, Lenu Barbosa ku TUTU (di Talentos Escondidos) sta ta pinta un painel sobri Ildo. Un exposison ku nomi "A música dos Olhos" ta ben abridu na dia 1, ku kuadrus di artistas di Kabu Verdi, Mosambiki, Purtugal, Guiné, Mexiku, Holanda, Rusia...

Inda ten dansa ku Raiz di Polon, un mostra di fotu di Ildo, diskus y vinil. Fotu di Ildo sta ben podu na sala di Músika di Palásiu.