Kimika na Palasiu. 1 kronika

Artista na frenti di Publiku. El só ku sé leitor, apresiador, distinu final. Ta fila? Onti kimika funsiona. Kaka Barbosa y Princezito fika di frenti pa sés publiku. Es Kanta na fim, pamodi primeru "nu" papia di sés karrera, di sés obra, di sés impreson sobri produson kultural na es cidadi kapital...sobri kriolu, sobri ser "artista", sobri divulgason...onti, kinta fera, Sofia Ciber Bar Palásiu, geridu pa Tera, prumovi un happy hour ku dos artista (sim, Kaka) bodona des padáz di txon.

"Ami n ka artista. Pamodi gossi tudu matxikadu é artista", Kaka rafila. Ma Princezito ka nem fadiga:"ami?Avé, maior intilektual di mundu é mi!". Dos gerason diferenti. Kaka ta priokupa ku dexa "Un mensagi grandi, pa tudu alguen, di tudu idadi". Princezito sta xatiadu ku "bés ki ka ten pa artista".



Kaka Nasi na S. Vicenti, fidjo di gentis di Fogo y alma na Somada, undi ki é kria. Princezito nasi na Tarrafal, na nomi di Kalu Sousa. Fidjadu di Nha Nacia Gomi ki toma txeu benson di Nha Bibinha Kabral.

Onti, és fika di frenti pa sés publiku, ki odja dos riportagen di sés na telona. Omenagen di TCV. na fin, Kaka fla "Djan podi morri".

Nu ta spera ma Patio di Palásiu di Kultura ta sta na altura di Ildo Lobo, nomi ki é sta ben risebi dia 1 (A Semana fla onti ma é dia 3 di 12). Ka nu dexa kel pátio vaziu. Ken ké artista si konvidadu pa ben...publiku tanbé.

Fotus pa Nhu Samori Pires