Germano Almeida premiado amanhã

É na kinta fera ki Germano Almeida ta risebi Premiu Fundason Kaza di Kultura di Lingua Purtuges, na Porto. É un premiu ki ta dadu di dos en dos anu, pa personalidadi y instituison ki ta djuda prumovi y divulga kultura produzidu na purtuges. Premiu Fundason Kaza di Kultura di Lingua Purtuges dja foi dadu pa Gabriela Antunes, skritora angolanu, diplomata brazileru Dário Castro Alves, Kaza di Alenteju di Torontu, na Kanada, y Peter Koj, un intelektual alemon.

Gosi, Germano Almeida é skritor kriolu más konxedu na strangeru. É ten livru traduzidu pa oitu lingua diferenti. Sé livru "O testamento do Sr. Nepomuceno da Silva Araújo", ki dá razon pa un filmi di Francisco Manso, é un di kés obra más importanti di literatura modernu di Kabu Verdi. Donu di un umor y ironia sen igual, Germano Almeida ta uza palavra pa diskonstrui ipokrizia ki ta manda na sosiedadi kabuverdianu. Sé obra “O meu Poeta” é un izenplu: un sátira di rigimi di partidu uniku, publikadu na 1992.

Advogadu y skritor, Germano Almeida é un di kes fundador di rivista Ponto & Vírgula (1983-1987), di jornal Aguaviva y di Editora Ilhéu.

Biografia y Bibliografia di Germano Almeida
Intrivistas di Germano Almeida