Kaza undi Kabral nasi podi bira muzeu

Autoridadi di Guiné-Bisau kré bira kaza undi ki Amílkar Kabral nasi, na Bafatá, na un muzeu di stória komun di kes dós país ki partilha luta di Kabral pa independensia. Oji, Pedro Pires visita kaza undi ki biku di Kabral sta enteradu y fla ma é ta inpenha pa djuda guvernantis di Guiné rikupera kel kaza, ki sta vazio y ronbadu. Pedro Pires sta ta kunpri un vizita di 5 dia na Guiné-Bisau.

Unidadi Kabu Verdi-Guiné foi un pilar di luta di libertason, un opson pulemiku…m ata parsi ma kel ideia di muzeu ta ser abrasadu pa kes dós país. Nu ta spera ma prujetu ta bai pa dianti, pa ka fika impatadu sima kel intenson di transforma kaza undi familia di Kabral vivi na ilha di Santiagu, tanbé na un muzeu.