Ah, Katxás...

Dja ten 16 anu, un asidenti na ranpa di Tera Branka mata un rivolusionáriu di múzika di Kabu Verdi. Carlos Alberto Martins. Tó Martins. Katxás. É ta trabadjaba na Direson Geral di Animason Kultural, ki na altura era xefiadu pa Eutrópio Lima da Cruz, y era ultimu dia di Primeru Inkontru di Múzika di Kabu Verdi, na Marsu di 1988. Katxás y un grupu di amigus sai di Fera 5 di Julhu, na sé karu, pa bai pa Luar. Antis, és pása na kaza di Katxás, na Várzia. Dipós di sai di Luar, és dixi na ranpa pa Txan di Areia. É lá ki tudu kontisi - un asidenti kun un feridu gravi, mortal. Na dia 28 di Marsu di 1988. Él mori un dia dipós.

Lantuna ta marka 16 anu si sé passagi ku un krónika di Djudju Tavares. Tó Martins ka kaba na nada mé!