Dá Fala dia 11!

Rivista kultural Dá Fala ta lansadu dia 11, na Mindelu, ku festa bedju, na Prasa José Lopes. Dá Fala ta sai di tres en tres més, na Kauverdi interinhu y tanbé na Internet. Revista é kriason di Asosiason Fou-Naná Projectos ku parseria de Centru Kultural Purtugues-ICA.

Rivista ta dá fala di artis, ambienti, turismu alternativu y disportu. Ma…modi ki un rivista sabi ta parsi na nos dizertu di publikason kultural? “ No contexto da cultura cabo-verdiana afigura-se necessária a existência de uma publicação cultural independente, aberta à colaboração dos vários intervenientes da cultura, dada a importância de estímulos culturais para a juventude”. É risposta di Revista, ki tem na Direson Marta Lança, ki dja kordena rivista V-ludo, y António Tavares, koriografu mindilensi. Es kré funda un novu konsiensia kritiku na nos meiu pamodi es ta kredita na impaktu di un publikason na sosiedadi kabuverdianu – es ta lembra izemplu di Claridadi y Ponto e Virgula.

Da Fala tem um lista di kolaborador di ruspetu. Sta jornalista, skritor, ilustrador, dramaturgu, actor, studanti…gentis sima Germano Almeida, João Branco, Mário Lúcio, Ana Cordeiro (Diretora di Centru Kultural Purtuguês/ICA di Mindelo y editora), Leão Lopes, artista plastiku y rializador, Vasco Martins y Tchalé Figueira.