30 anos de kultura

Kumemorason di 30 anu di Indipendensia ta prumeti. Ministériu di Kultura teni un prujetu di un livru ó insiklopedia sobri "30 Anos de Cultura Cabo-Verdiana". Livru ta sai na Nuvembru des anu y é debi ser organizadu pa un Kumison, indikadu pa Ministru di Kultura. Trabalho de Hércules.

Otu nobidadi é un "Antologia Poética 1975-2005". Um trabadju ki sta na risponsabilidadi di pueta Filinto Elísio. "N sta ben mostra 15 pueta, dividi-s pa gerason. Ma N sta bem ser mutu rigorosu em termus di kualidadi puetiku". Pamodi é kré fazi un livru di riferensia di puesia kauverdianu, "pa ser studadu na tudu dipartamentu di lingua purtugues di mundu".

Puesia krioulu sta na otus antologia. Na 1961, Jaime de Figueiredo organiza "Modernos Poetas cabo-verdianos". "No Reino de Caliban"- Antologia Panorâmica da Poesia Africana de Expressão Portuguesa, organizadu pa Manuel Ferreira y lansadu na 1975. Jovens pueta tanbé dedikadu un antologia: "Mirabilis de Veias ao Sol" (1991), promovedu pa José Luis Hopffer Almada. Inda ten puetas kauverdianu na "Antologia Temática de Poesia Africana" Vols. 1 e 2 (Na Noite Grávida de Punhais y O Canto Armado), kordenadu pa Mário de Andrade y publikadu na 1976 e 1979.

Paladron di Fotu: Carlos Casteleira