storia storia...

Storia tradisional ta fazi mininus gosta di skrebi ku lé na purtugues. Keli é planu di Inisiativa Municipal di Leitura. Prujetu tem sinatura di Instituto Internacional da Língua Portuguesa (IILP) ku parseria di Dilegason Skolar di Praia y Biblioteka Nasional.

Gosi li, prujetu sta fazedu ku un turma di primária di Varzia, tudu kuarta fera. Na kada seson, alunus ta obi storia kontadu pa un prufesor. “Paralelamente à história, nós fazemos interpretação de textos, introduzimos aspectos da gramática portuguesa, jogos e compreensão das palavras”. Marilene Pereira ta garanti ma metudu sta ta da certu ku mininus. Asistenti di Diretor Izikutivu di IILP ta fla ma “há problemas em Cabo Verde, como em outros países, onde o português é a língua oficial mas, na verdade, é a língua segunda ou terceira. Há problemas sobretudo a nível da escola primária e que se prolonga até ao nível secundário”.

Es inisiativa kré prumovi amor di mininus pa leitura. Ta fladu ma nós mininus ka gosta di lé, ma Marilene Pereira ta fla ma “isso não é verdade. As crianças não gostam é de ler os livros escolares porque são feios. Feios e mal feitos. Mas esta sala da Biblioteca tem estado sempre cheia porque tem livros coloridos e atraentes.”. Si prujetu pilotu da certu, é ta lebadu pa otus skola di Kau Verdi e pa otus PALOP. É un prujetu baratu, purtantu é ta mesti bom vontadi y dinamismu.

Marilene Pereira tanbé é jurnalista, prufisora y skritora di livru infantil.