Agenda KULT

HOJE: Kambra di Santa Kruz Y Instituto di Kumunidadi ta prumovi un spetaklu pa djuda kauverdianus di San Tomé. Codé di Dona, Ferro Gaita, Tcheka, Sema Lopi, Princezito, Zeze ku Zeca Nha Reinalda, Albertino y João Cirilo ta marka prisensa. Y dia 18, Kanbra di Santa Kruz ta fazi un jantar pa angaria dinheru pa nos patrisiu di San Tomé.

Inda HOJE ta abri un kau novu na San Dumingu, Santiagu: Pub-Raiz ta fika na strada pa Somada Sidadi. Dikorason di spasu é fetu ku material nativu.

Vasco Martins sta da un konsertu ojina Centru Kultural di Mindelu, oji, 10 ora noti, pa djuda un skola.

"Histórias de Amor, Mar e Traição" é esposison di Leno Barbosa y Jorge Garcia ki ta abri dia 17 , na Palásiu di Kultura Ildo Lobo. Seis y meia di tardi.

Y na Pátio di Palásiu di Cultura IL, Mário Lúcio ta da konsertu "Lugares" pa un publiku silesionadu. Ku musika di sé primeru disku el só. 10 ora noti.

Na Centru Kultural Frances ta tirmina, dia 15, kel "Ciclo de Cinema Sueco". Ten filmi supresa pa kenha ki parsi.