Purguntas pa Nhu Manuel Veiga
Gentis ki ta fazi kultura ten un inkontru markadu ku Nhu Manuel Veiga, Ministru di Kultura, dia 18, na Praia. Pa obi kusé ki sta ta pasa ku artistas, agentis, promotoris y divulgadoris di Praia, sima é fazi na Mindelu. Kusa di obi é txeu! Falta de finansiamentu, falta di spasu, falta di sensibilidadi, úniku kusa ki ka sta falta é kriatividadi.
Ministru di Kultura fla és simana, na A Semana, ma ministériu di Kultura é ka um kaxa di dinheru y lembra ma é ten só 1 pur centu di orsamentu di stadu. Ma, nu ka podi skesi ma, si kultura é nós diamanti, é ka podi fika brutu pa tudu tenpu y nem Stadu ka podi dexa artistas ta lapida-l és só! Ministeriu ten ki ten kapasidadi nagosia ku sis parseru pa djobi rikursu. Kabu Verdi é pobri, ma si nu ka kré artista-pidinti tanbé nu ka mesti un stadu-ki-ka-ta-fazi-parseria.
Manuel Veiga ta fazi dretu na kré papia ku gentis di kultura. Lantuna ten 3 purgunta..... Diskubri-s
pa Matilde era 11:55
3 Comments:
Diamanti eh pa lapida ou so pa fla ma nu tem? Djunta moh nu sta nel dja dura. Nu mesti tb geston e produsson di atividade cultural profissional! Di livro pa muzika tudo kenha ki kre publica nes tera li, teni kanela kurtu. Bom mah kela eh ti dia ki nu passa ta usa net e djas ka ta podi ku nos mas.
N ta spera ma inkontru ta ser pa da soluson y nau poi prublema.
Prublema senpri tivi y ta ten senpri. Pa maz stranhu ki podi parsi, prublemas di 1980 e kel mé na 1990 ku na 2005. Falta e kriatividade y vontade pa atxa soluson.
Antis di tudo ncre flaba matildi ma el ki sta manda. parabens pa bu criaçon. ke li ntinha pam flau desdi mutu tempo. É cu grandi pena kim ca pudi sta presente na kel encontro cu kel dirigente la. mi nha precupaçon tem a ver cu falta di sensibilidade di munti dirigenti DI NOS TERRA. por exeplo na kel concurso lançado há dias pa ministério di cultura squecedo completamente audiovisual. Sima nu sabi, audiovisual na cabo verdi dja começa ta gatinha, nton pamodo ki nu ca ta djudal labanta pel anda cu si pé? Isto sem cre fla ma kes area contemplado ca mereci.
Enviar um comentário
<< Volta pa Lantuna