Janeru di Festa

Na Djarfogo, Janeru é més ki ta kumesa ciklu di Festa di Bandera, ku S. Sebastion, dia 20 (Ki tanbé é dia Herois). Tanbé gentis di Kampana ta kumesa ta festeja Banderona (ki ta bai té Fevereru). Inda é tenpu di Reynadu, un festa tipiku dés ilha y ki sta kuasi ta morré.

Sima na Bubista, na Djarfogo ta festejadu Reis, ma ku tradison di Reynado. A partir di dia 6 di Janeru y té dia di Cinza. Sima Jaime Rodrigues, de Inforpress, ta fla: “Reinado continua a sair graças à boa vontade dos seus defensores”. Sés difensor, tudu omis katoliku, ta trabessa ilha, a pé, duranti tres lua pa festeja Reis.

Ma Janeru é més di otu festa bedju. Dia 15 di Janeru na Vila...di Mangui, na Tarrafal di Santiagu, é dia di Nhu Santu Amaru, ki és anu sta ta honra Mário Lucio - é oji, dia 12, ki és ta celebra kompositor di "na ilha di Santiagu, ten korpinhu di algodon..."

Dia 17, é dia é dia di Ribera Grandi, na Santo Antão, y di Nho Santu Nomi, na Cidadi Velha (tirceru Dumingu di més). Y na S. Vicenti ten festa di Municipiu, dia 22: festa bedju ki n obi ta fladu...