Finkadu na Rais lansadu na Nuvenbru

Duranti gravason

Násia Gomi y Ntoni Denti D’Oro ta lansa ses disku dia 5 di Nuvenbru, na Praia. Finkadu na Rais dja sta ta obidu na Merka, sima ta da-nu konta rivista CVMusic World. Disku ten oitu musika. Kuatu kantadu pa Nha Nasia, otus tantu pa Nho Ntoni y dos musika fetu pa es dos djuntu. Un disku di batuku, un dezafiu di dos mestri.

“Keli é ses dokumentariu. Es meresi un projetu ki ta paga-es para tudu kusé ki dja es fazi pa kultura di Kabu Verdi”, palavra di Gugas Veiga, prudutor di disku, ki tem Eduino di Ferro gaita na aranju y Zunga Pinheiro na som. Dinheru di benda di disku é pa Násia ku Ntoni.

Gravason foi fetu na prinsipiu des anu, entre Janeru y Marsu, na Kapital Studio. Násia Gomi, di 80 anu y Ntoni Denti D’oro, di 78, é amigu dja dura y anbienti di gravason foi rei di sabi. Dos mestri di batuku, ta bota kunpanheru piada manenti manenti. “Ami si algen ganha-n na bunitu, N ta ganha-l na feiu”. Nha Násia é mudjer di forsa, ma Nho Ntoni ta bai ta mansa-l ku sé konbersu Sabi, na mansu-mansu. “Minina…abo bu ka odja ma nos é pa konpanheru? Ami dja-N Kre-u dja! Nu ten ki kaza!”.

Na dia 5, lansamentu di disku sta ben ser um festa. Tanbé, odja konvidadus: Ferro Gaita, Vadú, Nácia Gomi, Ntoni Denti D’Oro y Batukaderas Pó Di Terra.

Keli é sugundu disku di nos dos mestri. Násia Gomi grava Ku ses mosinhus y Ntoni denti D’Oro, Batuque&Finaçon, ku selu di Ocora Rádio France.
________________
Paladron: CvMusic World