Arti sukundidu na mural

Keli é mural ki Talentus Sukundidu fazi na paredi lateral di Kaza di Bandera, na San Filipi, na Djarfogo, dja ten dos simana. Un mural ki rizulta di un workshop sobri pintura na paredi, dadu pa Tutu ku Kaya, dos dinamizador di movimentu Talentus Sukundidu. Un mural pa omenagia tradison di Djarfogu, sima kafé, uva, vinhu, muzika y festa di bandera.

Tutu, Kaya, Leno Barbosa, Isaac Vicente, Paulo, Maruca y Jorge prizenta na dia 14 des més un espozison di arti di Talentus di Independensia, na Kaza di Bandera. Tutu y Kaya fika na San Filipi pa tenta dinamiza un bokadu meiu artistiku des sidadi. Ma gentis di artis plastiku é poku y és sta spadjadu. Pa Zelito, di San Filipi, ta falta merkadu, apoiu institusional y poder di konpra pa da razon pa kriason artistiku.

Es espozison y pintura des mural foi un ar fresku na San Filipi, undi ki nunka ka fazeda antis un mostra koletivu di arti ku artistas di otus ilha.