Sobri Moda Kabuverdianu

Ten um moda kabuverdianu? Lantuna ta purgunta, ma ta parsi ma teni gentis ta fazi kaboku - prusesu dja kumesa. Dja ten algun tenpu, kantu Tititina Rodrigues, Orlando Pantera ó Mário Lucio ta parseba ku ses panu'l tera maradu na piskós, nu ta atxaba bunitu, ma stranhu. Oji, é un sinbolu di identifikason di kabuverdianidadi, djobedu pa nasional, turista y migranti.

Uzu di material kabuverdianu na kriason di vestuariu, sima panu'l tera, txapa-txapa, batik, konxinha di panu y bordadu, sta ta ponta kaminhu pa un moda kabuverdianu, ki ta pusta na tisidu fresku y rizistenti, sima algodon y linho. Celeste Galina, Fátima Almeida y Teodora Fortes Neves é kes nomi ki más ligadu sta ku es movimentu. Fátima Almeida é kriadora di kes kamisa ki Prizidenti di Kamara di Praia, Filu, dja poi na moda y tanbé é risponsavel pa stilu uniku di Primera Dama Adélcia Pires. Gosi sta na moda usa gravata, bolsa y saia di panu'l tera. Té canderu y fiu d'oru sta ta fazedu ku mutivu di pano d'obra na atelié di Fátima Almeida!

Kada bés mas, nu ten disfile di stilista ta prizenta kriason ku material di tera, ta kria un marka forti di Kabu Verdi. Kuzé ki sta ta falta nton pa nu ten un moda kabuverdianu?