MINDELACT :: Mindelo é un cidadi-palku

paladron: www.asemana.cv
Organizason ta dexa modestia di ladu pa fla: “Festival Internacional Mindelact 2004 ta kumemora sis 10 anu di vida ku un prugramason dignu di deusis di tiatru".

Parse m ma es ten razon. Odja kusé ki es sta ta pripara: 37 spetakulu aprizentadu pa 32 grupu di Mosambiki, Fransa, Purtugal, Belgika, Brasil, Italia y Kabu Verdi. João Branku y kumpadris ka ta brinka si sirbisu!!

Kuasi tudu dja sta prontu pa subi kurtina, 9 ora y meiu di dia 3. Primeru xou é di ator belga Bernard Massuir, ki txoma "Bernard a Mindelo". Anu pasado Bernard ben pa Mindelact y é foi rei di fixi! Bali pena fazi Bis.

Ma Asosiason Mindelact, orientadu pa João Branco, konsigi trazi pa festival des anu un nomi rei di pristigiadu na mundu interu: Leo Bassi é un ator italianu ki sta ben prizenta, dia 11 di Setembru, sé pesa "12 de Setembro", ki alguen txoma di "martelada contra 'american way of life'".

Di Brasil, grandi atrason é Leonardo Brício, ator ki nu konxi di nuvelas : "Anjo Mau", "Porto dos Milagres" y na seri "A Muralha".