Na Dizembru, CIZE é di nos, nos só!

Cesária Évora sta ben fazi un digreson na ilhas di Kabu Verdi, na Dizembru.
Keli é un grandi notisia, pamodi Cize kuasi ka ta da xou li na tera.
Djô da Silva ta xplika: "ka ten palku grandi pa Cesaria na Kabu Verdi".

Ma gossi dja é muda di ideia. Inda ka ten data certu, ma Djô fla ma Cesária Évora sta bem prizenta pa kuatu ilha, na primeru metadi di Dizembru. Digreson 2004 di Cesária Évora ta kumesa dia 26 des mes na Angola y antis di ben pa sé terra, Cize sta bai kanta na Espanha, Reinu Unidu y Senegal.

Duranti es konsertu, Cize ta djunta dinheru pa Asosiason di promoson Kultural y Susial di Cesária Évora (Asosiason Cize), ki na simana pasadu fazi un protokolu di Djunta mó ku empresa nasional di Kombustivel Enacol.

Prujetu di Asosiason Cize sta ben labanta un skola di musika pa joven talentu y abertu pa prufisor strangeru. Asosiason sta ta nagosia ku Kambra Munisipal de Zau Gomes para konsigui un spasu undi ki skola sta ben instaladu, ku ekipamentu musikal.

paladron: www.nave.cv